Sundag 13. juni kl 13.00 samlast vi til godt felleskap og avslutning før sommaren. Vi har ein møtedel i hagen på Betel. Her blir det andakt ved Åsbjørg. Tema er «Jesus for alle». Etterpå koser vi oss saman med mat og prat og leik. Alle tek med mat til seg sjølv. (Ta med mat som ikkje treng å varmast…) Betel stiller med kaffi og is til dessert. Etter at samlinga i hagen er slutt, kan dei som vil bli med opp til Uddaråsen. Då køyrer vi saman til Lundevall gard og parkerer i nærleiken av denne. Turen opp tek i underkant av ein time. Ta på gode sko. Fin utsikt på toppen. Alle velkomen!

Neste sundagstreff blir 30. mai kl 17.00. Då får vi besøk av Kamilla Minde, ungdomspastor på Fredheim. Tema er OMVENDING. Om å bli funnen av Gud og om å leve i omvendig til Gud, midt i kvardagen vår. Vi gler oss til møte! Det er meldt fint ver, så vi satsar på å ha møtet i hagen på baksida av Betel. Her er det nokre benkar og bord. Har du ein favorittstol, så ta den gjerne med… Velkommen!!

Dessverre har vi ingen arrangement på Betel i pinsa. Oppmodar oss alle til å møte opp på andre lokale arrangement. (t.d gudsteneste i kyrkja kl 11.00 1. pinsedag). (4) Den norske kyrkja i Kviteseid | Facebook

I tillegg gler vi oss over at det er gudsteneste frå Oslo Misjonskirke Betlehem på NRK på 1. pinsedag. Pinsegudstjeneste, sendes på NRK TV og radio (oslomisjonskirke.no)

Minner også om Viggo Klausen sine fine pinsevideoar på YouTube: Første pinsedag // Pinse med Viggo Klausen – YouTube

Sundag 18. april kl 18.00 (NB: Merk tida!) blir det sundagstreff i Kviteseid Misjonskyrkje. Vi er glade for å få lov å møtast att! Det blir andakt av Åsbjørg: Om å vere kjærleg og ærleg og om å bli skitten på beina… Det blir allsang med god avstand og likevel nært fellesskap. Ingen matservering for magen, men håpar du får eit godt måltid for hjartet ditt!