Åsbjørg Hægeland er tilsett i eit 20 % engasjement i menigheten som borne- og ungdomsarbeider.
Ein stor del av arbeidet hennar er å arrangere TenTro-opplegg for konfirmantane i menigheten. Ho arbeider og med familiemøta våre; sundagstreffa.
Ver med oss i bøn om Guds signing over Åsbjørg og tenesta!
Dette året vil me arrangere Tentro i Kviteseid Misjonskyrkje. Tentro er eit frikyrkjeleg konfirmasjonsopplegg. Det byggjer på eit kristent rammeverk, men har eit noko anna opplegg enn den norske kyrkja sitt konfirmasjonsopplegg. Det er ikkje krav korkje til tro eller dåp for å vere med i Tentro.
Me er så heldige å ha et godt samarbeid med Den norske kyrkja i Kviteseid, så noko av opplegget er felles med konfirmantane der.
Ver med og be for Tentro-opplegget og for Tentro-konfirmantane!
Sundag 26. august kl 17.00 er det oppstart for sundagstreffa att! Ta med deg ein ven eller fleire og kom! Vi får besøk av Jan Danielsen. Åsbjørg skal fortelje om Mefibosjet og ufortent nåde. Ta med deg litt brød eller eit pålegg, og lever dette i kjellaren ved oppstart, så lagar vi felles kveldsmat som vanleg.
Sundag 10. juni er det sommaravslutning på Betel!
Vi møtest utanfor Betel kl 11.00.
Først blir det litt sang, kort andakt ved Åsbjørg og avskjedshelsing for Sigrid og Ove.
Deretter et vi saman. Pga brannfaren droppar vi grillinga i år. Vi lagar i staden salatfest! Ta med ein type salat, og litt brød / rundstykker, så set vi alt på eit stort bord slik at alle kan forsyne seg av det dei vil 🙂 I tillegg ordar komiteen pølser til ungane og is til alle! Litt kaffi skal vi også ordne. Anna drikke de treng tek de med sjølv.
Etter maten koser vi oss vidare med prat og leik.
ALLE VELKOMMEN!
