Sundag 24. oktober kl 18.00 blir det eit litt annleis sundagstreff på Betel. Vi har vore så heldige å få eit vakkert, stort maleri i gåve av Reidar Kobræk. På sundag vil vi høyre historia bak dette maleriet. I tillegg vil vi fortelje om andre bilete/utsmykkingar som heng ulike stader på Betel. Dersom du har eigne personlege forteljingar knytt til noko av dette, vil du også få høve til å dele dette. Det blir ellers song og leik og kollekt, og fellesskap rundt eit måltid mat etterpå. Hjarteleg velkomen!